यस्तो छ आज आदिवासी जनजातिहरुको बन्दको योजना

काठमाडौं । नामविहीन ७ प्रदेशविरुद्ध, धर्मनिरपेक्षताको पक्षमा र जातीय जनसंख्याको आधारमा हरेक अंगमा समानुपातिक समावेशी प्रतिनिधित्वको व्यवस्था नया“ संविधानमा सुनिश्चित गरिनुपर्ने माग राख्दै नेपाल आदिवासी जनजाति माहासंघले आज र भोलि दुई दिन नेपाल बन्दको घोषणा गरेको छ ।

बन्द सफल बनाउन राजधानी काठमाडौंमा विभिन्न जातीय संस्थाहरुलाई केन्द्र तोकिएको छ । हड्ताल सफल बनाउन किरात राई यायोक्खालाई कोटेश्वर, नेपाल तामाङ घेदुङ संघलाई गौशाला, शेर्पा संघलाई चाबेल, गुरुङलाई गंगबु—नयाँ बसपार्क, मगरलाई कलंकी, किरात याक्थुङलाई सात दोबाटो, नेवारलाई रत्नपार्क क्षेत्र तोकिएको किरात राई यायोक्खा केन्द्रीय महासचिव दिवस राईले बताए ।

हड्ताल सफल बनाउन हिजो साँझदेखि नै युवा, विद्यार्थी महासंघका नेता कार्यकर्ताहरु परिचालन गरिएको बताइएको थियो । बन्द सफल पार्न देशभर विभिन्न स्थानमा रा“के जुलुस प्रदर्शन गरिएको महासंघले जनाएको छ ।
बन्द सफल पार्न एमाओवादी, कांग्रेस, एमाले सम्बद्ध पहिचान पक्षधर नेता कार्यकर्ताहरु समेत परिचालन हुने बुझिएको छ । अन्लाईन।।।