डा.केसी स्वास्थ्य क्षेत्रमा भएको बिकृति अन्त्य गर्न भन्दापनि एमालेका पूर्व अध्यक्ष तथा पहिलो कम्यूनिष्ट प्रधानमन्त्री मनमोहन अधिकारीको नामप्रति पूर्वाग्रही भएको बताए । नेता पाण्डेले भने ‘ जहिले पनि केसी अनसनका उदेश्य दुई वटा हुन्छन् । पहिलो डाक्टर पढ्न चाहने बिद्यार्थीलाई देश बाहिर पठाउनु, दोस्रो मनमोहन नामबाट मेडिकल कलेज खोल्न नदिनु नै हो ।’
बर्षेनी नेपालमा १२ हजारभन्दा बढि बिद्यार्थी मेडिकल पढ्न चाहन्छन् । तर नेपालमा बर्षेनी २५६ बिद्यार्थीले मात्र अध्ययन गर्ने मौका पाएका छन् । बाँकी आधा बिद्यार्थी महँगो रकम तिरेर बिदेशमा अध्ययन गर्न जान बाध्य भएको पाण्डेले बताए । ‘जुम्लामा डाक्टर अभावले नागरिक मर्दैछन् काठमाडौमा केसी डाक्टर उत्पादन गर्नै हुँदैन भनेर ६ पटक अनसन बसीसके’ पाण्डेले भने ‘एउटा केसी भन्दा लाखौ नागरिकको ज्यान मुल्यबान छ ।’
नेपालमा स्वास्थ्यकर्मी उत्पादन गर्न नदिन देशी विदेशी गिरोह सक्रिय भएको दावी गर्दै पाण्डेले डा.केसी त्यसको मोहरा बनेको बताए । ‘उहाँलाई मनमोहनप्रति मात्र डाह छ, अन्य कुरा गिरोहबाट सञ्चालित हुनुहुन्छ’ पाण्डेले भने ‘यो अहिले आरोप होला, भोली छानविन गर्दै जाँदा प्रमाणित हुन्छ ।’
No comments:
Post a Comment